25 лютага ў Мінску пройдзе Другая міждыяцэзіяльная канферэнцыя Testis fidei et misericordiae («Сведка веры і міласэрнасці»).
Тэма другой канферэнцыі: «Францішканскія мучанікі, благаслаўлёныя айцец Герман і айцец Ахілес з Івянца, забітыя падчас ІІ Сусветнай вайны».
Месца правядзення: Хрысціянскі сацыяльны цэнтр (Мінск, вул. Серафімовіча, 19, каля станцыі метро «Пралетарская»).
Дата правядзення: 25 лютага 2026 года.
Арганізатары: Мінска-Магілёўская архідыяцэзія пры падтрымцы Апарата Упаўнаважанага па справах рэлігій і нацыянальнасцей.
Канферэнцыя Testis fidei et misericordiae прысвечана святарам, законным сёстрам і свецкім асобам, аб'яўленых Касцёлам святымі ці благаслаўлёнымі, паходжаннем ці служэннем звязаных з беларускімі землямі, якія аддалі сваё жыццё за бліжніх.
Праграма канферэнцыі:
- 10.30 — прыбыццё і рэгістрацыя ўдзельнікаў;
- 10.45 — падыход да прэсы: арцыбіскуп Юзаф Станеўскі і Аляксандр Аляксеевіч Румак;
- 11.00 — адкрыццё канферэнцыі (выступленне хора) — зала для канферэнцый;
- прывітальнае слова: арцыбіскуп Юзаф Станеўскі і Аляксандр Аляксеевіч Румак;
- 11.40 — даклад 1 на тэму: «Благаслаўлёныя а. Герман Стэмпень і а. Ахілес Пухала з Івянца», дакладчык — айцец доктар Юзаф Макарчык OFMConv;
- 12.05 — даклад 2 на тэму: «Сучасная дзейнасць францішканаў канвентуальных у Беларусі», дакладчык — айцец магістр Павел Раманчук OFMConv;
- выступленне хора, капліца;
- 12.30 — Малітва памяці — Рэквіем (капліца, вядуць айцы францішкане);
- выступленне хора, капліца;
- супольны фотаздымак;
- 13.00 — фуршэт.
Да ўдзелу ў канферэнцыі запрашаюцца ўсе жадаючыя.
