16 студзеня ў катэдральным касцёле Найсвяцейшага Імя Марыі ў Мінску адбудзецца другая агульная сустрэча моладзі ў гэтым навучальным годзе.
Сустрэча, арганізаваная Душпастырствам моладзі Мінска-Магілёўскай архідыяцэзіі, працягне серыю катэхез, прысвечаных пытанням адносін, сямейнага жыцця, выбару будучага мужа / будучай жонкі.
Мінулая сустрэча адбылася 24 кастрычніка.
Спікеры сустрэчы 16 студзеня — сямейная пара Андрэй і Алена Місан — падзеляцца сваім багатым досведам.
Андрэй — сістэмны архітэктар, аматар спорту, музыкі і хрысціянскай IT-супольнасці.
Алена — доктар акушэр-гінеколаг, якая шмат гадоў працуе ў абранай прафесіі і з’яўляецца шчаслівай мамай чатырох дзяцей.
Алена падзеліцца досведам працы ў гінекалогіі і парадамі пры выбары мужа, а таксама госці адкажуць на пытанні ўдзельнікаў.
- На сустрэчу запрашаюць моладзь ад 16-і гадоў.
- Пачатак у 19.30.
- Адрас: архікатэдра (пл. Свабоды, 9).
Па пытаннях удзелу звяртацца па тэл.:
+375 (29) 357 15 86 — ксёндз Андрэй Бурак, адказны за душпастырства моладзі Мінска-Магілёўскай архідыяцэзіі
