З 15 па 17 лістапада ў Навагрудку ўжо чацвёрты год запар пройдзе малітоўны кангрэс у абарону жыцця.
Кангрэс перадусім прысвечаны перапрашэнню за грахі супраць жыцця і сям’і: аборты, разводы, распусту, кантрацэпцыю і ЭКА.
Арганізатары кангрэсу нагадваюць, што гэтыя грахі святы Ян Павел II назваў «цывілізацыяй смерці» і заклікаў вернікаў да асаблівай малітвы і пакаяння:
«Неадкладна неабходна вялікая малітва за жыццё, якая ідзе праз увесь свет» (пар. Ян Павел II, Evangelium Vitæ, 100).
«Менавіта праз малітву і пакаянне мы можам спыніць узброеныя канфлікты і стыхійныя бедствы, якія з’яўляюцца наступствам чалавечых грахоў і духоўнай абыякавасці. Наш Пан Езус Хрыстус сур’ёзна папярэджвае нас: „Калі не пакаецеся, усе таксама загінеце“ (Лк 13, 5), а святы Ян Хрысціцель заахвоціў прынесці годны плод пакаяння (гл. Мц 3, 8)», — нагадваюць арганізатары мерапрыемства.
Цэнтральнай падзеяй кангрэсу стане пакутная пілігрымка з Навагрудка ва Уселюб (Гродзенская дыяцэзія, Навагрудскі дэканат).
Удзельнікі пешкі пройдуць 14 кіламетраў, несучы 52 белых крыжа ў знак 52-х дзяцей, якіх штодня забіваюць у Беларусі праз аборты.
Сёлета гэтая пілігрымка пройдзе ў суботу 16 лістапада, ва ўспамін Маці Божай Міласэрнасці. Пасля святой Імшы ўвечары Старшыня Канферэнцыі Каталіцкіх Біскупаў у Беларусі арцыбіскуп Юзаф Станеўскі, Мітрапаліт Мінска-Магілёўскі, прачытае адмысловы акт перапрашэння за грахі супраць жыцця і сям’і.
Апошні дзень кангрэсу будзе традыцыйна прысвечаны сем’ям, якія падзеляцца сваім вопытам сямейнага жыцця і выхавання дзяцей.
Запіс на кангрэс па тэл.:
+375 (29) 812 22 76 (Viber, WhatsАpp)
Праграма
- 15 лістапада, пятніца
- 18.00 – св. Імша ў інтэнціі абаронцаў жыцця
- 19.15 – Крыжовы шлях у інтэнцыі перапрашэння за грахі супраць жыцця і сям’i (у касцёле)
- 20.00 – вячэра
- 20.30 – знаёмства ўдзельнікаў
- 22.00–8.00 – усяночная адарацыя Найсвяцейшага Сакрамэнту ў iнтэнцыi перапрашэння за грaхi cупраць жыцця i сям’i (у капліцы)
- 16 лістапада, субота
- 8.00 – снеданне
- 9.00–13.30 – пешая пiлiгрымка Навагрудак – Уселюб з белыми крыжамi ў iнтэнцыi перапрашэння за грахi супраць жыцця i сям’i (14 км)
- абед ва Уселюбе
- 14.00 – прывітанне і канферэнцыя «Мацярынскі уплыў» (кс. Віталій Цыбульскі)
- 15.00 – Вяночак да Божай Міласэрнасці ў санктуарыі Маці Божай Новага Жыцця
- вяртанне ў Навагрудак на аўтобусе
- 16.00 – даклад «Прынесці годны плён пакаяння» (Уладзіслаў Валаховіч)
- 16.30 – даклад «Таямніца святой споведзі: як адкрыць яе нанава?» (кс. Яўген Шымановіч)
- 18.00 – св. Iмша з урачыстым актам перапрашэння (арцыбiскуп Юзаф Станеўскi)
- 20.00 – вячэра, сведчанні абаронцаў жыцця
- 17 лістапада, нядзеля
Cустрэча беларускiх каталiцкiх шматдзетных сямей (удзельнічаць могуць усе)- 8.00 – снеданне
- 9.00 – Ружанец у абарону жыцця (у касцёле)
- 10.00 – св. Імша
- 11.30 – перапынак на каву
- 12.00 – круглы стол «Тэлефон і выхаванне. Асабісты вопыт» (Андрэй Місан, Раман Рамановач, Віталій Драздовіч)
- 14.00 – абед
- 15.00 – Вяночак да Божай Міласэрнасці
- 15.15 – даклад «Выхаванне боязі Божай» (Наталля Недбайла, Уладзіслаў Валаховіч)
- 16.00 – даклад «Псіхалогія, духоўнасць, споведзь» (Іван Пузанаў)
