30 кастрычніка ў Хрысціянскім сацыяльным цэнтры ў Мінску пройдзе сустрэча з даследчыцай Ірынай Багдановіч, кандыдатам філалагічных навук, аўтаркай каля 300 навуковых публікацый.
У сферу навуковых інтарэсаў даследчыцы ўваходзіць вывучэнне жыцця і творчасці славутых беларускіх ксяндзоў-літаратараў.
Падчас сустрэчы ў цэнтры ўвагі будуць такія асобы, як Адам Станкевіч, Язэп Германовіч, Казімір Сваяк (Канстанцін Стаповіч), Андрэй Зязюля (Аляксандр Астрамовіч) і іншыя.
Сустрэча пройдзе на экспазіцыі «З Богам для Беларусі», прысвечанай ахвярнаму служэнню святароў у першай палове ХХ стагоддзя. Гэта добрая магчымасць убачыць асабістыя і памятныя рэчы, звязаныя са згаданымі асобамі.
- Пачатак сустрэчы ў 18.15.
Арганізатары запрашаюць усіх ахвотных.
Адрас:
г. Мінск, Хрысціянскі сацыяльны цэнтр, вул. Серафімовіча, 19.
