14 верасня ў кляштары супольнасці Сясцёр святога Дамініка ў Мінску распачынаюцца сустрэчы для жанчын пад назвай «Салон прыгажосці».
Праект скіраваны на развіццё жанчын ва ўсіх сферах: духоўнай, псіхалагічнай, фізічнай, незалежна ад узросту, працы, абавязкаў, прафесіі. Духоўныя практыкаванні будуць скіраваныя на распазнанне паклікання: быць жанчынай, маці, жонкай, бабуляй, хрысціянкай.
Да ўдзелу сёстры святога Дамініка запрашаюць жанчын ва ўзросце ад 25-і да 99-і гадоў.
Сустрэчы будуць адбывацца па суботах раз на месяц. Колькасць удзельніц абмежаваная.
- Удзельнікі з рэгіёнаў маюць магчымасць начлегу.
- Кошт удзелу — адвольнае ахвяраванне.
- Запіс (абавязковы!) і падрабязная інфармацыя па тэлефоне:
- +375 (33) 347 70 67 — сястра Міхаліна
- альбо на старонцы сясцёр святога Дамініка ў Інстаграм @daminikanki.by
