Новы нумар газеты «Слова жыцця» (№ 16 (637) 2024) апавядае пра касцёльныя навучальныя ўстановы для свецкіх, якія дзейнічаюць у Беларусі, знаёміць з сястрой, якая вядзе відэа-падкаст на папулярнай платформе, а таксама прапануе актуальныя парады псіхолага на пачатак навучальнага года.
Павінны быць адважнымі. У Беларусі пры Касцёле існуюць тры навучальныя ўстановы для свецкіх, у якіх кожны ахвотны ва ўзросце ад 18-і да 55-і гадоў і нават больш можа чэрпаць тэалагічныя веды, а таксама атрымаць кваліфікацыю, каб стаць карысным супольнасці.
Манахіня ў эфіры. У падкасце «К себе с любовью» на Youtube сястра Міхаліна Маркевіч OP задае смелыя пытанні гасцям, каб дапамагчы верніцам раскрыць свядомасць шчаслівай жанчыны.
Як дапамагчы дзіцяці, калі ў яго няма жадання ісці ў школу? Псіхолаг называе прычыны, па якіх школьнікам няпроста распачаць навучанне, а таксама дае важныя парады для бацькоў у гэтай сітуацыі.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 15 верасня ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
PDF-версія газеты на беларускай і польскай мовах даступныя на сайце Grodnensis.by.
