2 і 3 жніўня арганізуецца аўтобусная пілігрымка ў Росіцу (Віцебская дыяцэзія) на ўрачыстасці ў гонар благаслаўлёных мучанікаў марыянаў Юрыя Кашыры і Антонія Ляшчэвіча, якія аддалі сваё жыццё разам з вернікамі падчас Другой сусветнай вайны.
Арганізатар пілігрымкі — парафія Беззаганнага Зачацця Найсвяцейшай Панны Марыі ў Мінску (мікрараён Сухарава), душпастырскае служэнне ў якой нясуць ксяндзы марыяне.
- Ад’езд з Мінска 2 жніўня (пятніца) у 17.40 ад станцыі метро «Каменная Горка».
- Вяртанне ў Мінск 3 жніўня (субота) каля 17-й гадзіны.
- Кошт праезду: 50 рублёў (дзецям і студэнтам зніжкі).
- Тэлефоны для запісу:
- +375 (33) 601 78 50 – Людміла Смыковіч
- +375 (29) 984 86 68 – ксёндз Канстанцін Анашка МІС
- Увага! Паколькі Росіца знаходзіцца ў памежнай зоне, пілігрымам пры сабе неабходна мець пашпарт.
Росіца — вёска ў Верхнядзвінскім раёне Віцебскай вобласці, дзе ў 1943 годзе разам з парафіянамі прынялі мучаніцкую смерць ксяндзы марыяне Антоній Ляшчэвіч і Юрый Кашыра. На ўспамін гэтай падзеі штогод у Росіцкім санктуарыі адбываюцца ўрачыстасці. Малітоўная сустрэча распачнецца вечарам у пятніцу, будзе працягвацца ўсю ноч і завершыцца ў суботу святой Імшой.
Ксяндзы марыяне і вернікі парафіі ў Сухараве запрашаюць усіх ахвотных далучыцца да пілігрымкі.
