18 мая распачалася рэгістрацыя ўдзельнікаў 32-й пешай пілігрымкі з Мінска ў Будслаў, якая вырушыць у дарогу 1 ліпеня і пройдзе пад дэвізам «Любоў яднае».
Пілігрымка працягваецца пяць дзён, адлегласць, якую пераадолеюць пілігрымы пешкі, складае 125 кіламетраў. Прыбыццё ў Будслаў — 5 ліпеня.
Сёлетні Будслаўскі фэст пройдзе 5 і 6 ліпеня; падчас яго адбудзецца прысвячэнне Мінска-Магілёўскай архідыяцэзіі і Касцёла ў Беларусі Найсвяцейшаму Сэрцу Езуса.
Пешую пілігрымку з Мінска арганізуюць ксяндзы хрыстусоўцы, якія нясуць служэнне ў сталічнай парафіі святога Яна Евангеліста і святога Максімільяна Марыі Кольбэ.
Дзеці да 16 гадоў могуць узяць удзел у пілігрымцы толькі ў суправаджэнні бацькоў або апекуна (патрэбны пісьмовы дазвол бацькоў). Падлеткам з 16 да 18 гадоў неабходна мець пісьмовы дазвол бацькоў.
- Бланк пісьмовага дазволу ТУТ>>>
- Для рэгістрацыі анлайн неабходна запоўніць электронную форму ТУТ>>>
Увага! Ахвотных узяць удзел у пілігрымцы арганізатары просяць не марудзіць з рэгістрацыяй. Анлайн-рэгістрацыя працягваецца да 23 чэрвеня.
Пазней можна будзе запісацца ў пілігрымку, патэлефанаваўшы арганізатарам.
- Кантакты адказных за пілігрымку:
- +375 (29) 581 10 42 – кс. Алег Шпець SChr
- +375 (33) 605 41 67 – кс. Андрэй Лысы SChr
- +375 (29) 744 25 38 – кс. Уладзімір Марушэўскі SChr
