Сёстры Кармэліткі Дзіцяткі Езуса запрашаюць дзяўчат ва ўзросце ад 17-і гадоў у Адамавічы (Гродзенская дыяцэзія, Сапоцкінскі дэканат) на дзень засяроджання, які адбудзецца ў суботу 4 мая.
Тэма гэтай веснавой сустрэчы: «Распазнанне волі Божай».
Як адзначаюць сёстры кармэліткі Дзіцятка Езуса, арганізатаркі сустрэч для дзяўчат, добрае распазнанне Божай волі ў жыцці вельмі важнае.
Бог заўсёды ўваходзіць са сваёй дапамогай, калі чалавек ад усяго сэрца шукае Божых рашэнняў. Ён не жадае прынізіць чалавека сваім рашэннем, бо даў яму велізарны дар — свабодную волю. Але людзі ў сваім жыцці часта перакрэсліваюць сваёй воляй Божыя планы. Засяроджваюцца на сваім «я так хачу» і ідуць на непаслухмянасць, а адсюль — усе вынікаючыя наступствы. Потым чалавек пачынае шукаць вінаватых і скіроўвае свае прэтэнзіі Богу, хоць сітуацыя на самай справе такая: Ён казаў, а я не слухаў.
Нягледзячы на гэта, Бог не пакідае чалавека і дае яму чарговыя шанцы быць шчаслівым. Можа быць, гэтае шчасце напачатку здаецца цяжкім, незразумелым, але калі мы даверымся Богу, Ён напоўніць нас бязмежнай радасцю, супакоем і ўпэўненасцю. Ад чалавека патрабуецца толькі крыху высілку і цярплівасці.
Сёстры запрашаюць дзяўчат, якія жадаюць крыху затрымацца і паразважаць над распазнаннем волі Божай у сваім жыцці.
Пачатак у 9.00, заканчэнне ў 19.00.
З сабой мець Біблію.
Запіс і падрабязная інфармацыя па тэл.:
+375 (33) 390 36 89 – сястра Алетэя
Ёсць магчымасць прыезду ў Адамавічы 3 мая.
