![](/3/images/news/2023/10/2023-10-27-Vobraz_Ajca.jpg)
З 17 па 19 лістапада ў рэкалекцыйным доме пры кляштары айцоў кармэлітаў босых у Мядзелі (Мінска-Магілёўская архідыяцэзія) пройдуць рэкалекцыі для мужчын і юнакоў на тэму: «Які мой вобраз Бога Айца?»
Духоўныя практыкаванні, якія арганізуе супольнасць «Мужчыны святога Юзафа», правядзе адказны за душпастырства моладзі Віцебскай дыяцэзіі, вікарый парафіі святога Андрэя Баболі ў Полацку ксёндз Алег Хмылко.
Разам са святаром удзельнікі рэкалекцый паразважаюць над тым, які яны маюць вобраз Бога Айца: блізкі ці далёкі; любячы ці караючы? міласэрны ці справядлівы? добры ці злы?
«Падчас рэкалекцый будзем разважаць і шукаць праўдзівы вобраз Бога ў нашых сэрцах», — запрашае да ўдзелу ўсіх ахвотных мужчын і юнакоў ксёндз Алег Хмылко.
- Рэкалекцыі распачнуцца ў пятніцу 17 лістапада а 20-й гадзіне, завершацца ў нядзелю 19 лістапада ў 13.30.
- Праграма духоўных практыкаванняў прадугледжвае малітву, штодзённы ўдзел у святой Імшы, канферэнцыі, дыскусіі, адказы на пытанні, наведванне Кальварыі ў ваколіцах Мядзела.
- Падрабязная праграма — на сайце супольнасці «Мужчын святога Юзафа» msi.by>>>
- Дадатковая інфармацыя і запіс па тэл.:
- +375 (33) 624 42 85 – Павел
- +375 (29) 588 34 56 – Вячаслаў
- +375 (44) 733 71 67 – Viber
- Рэкамендаванае ахвяраванне з улікам пражывання і харчавання – 100 руб.
- З сабой неабходна мець Біблію, малітоўнік, сшытак, ручку.