![](/3/images/news/2023/10/2023-10-08-carlo-final2.jpg)
12 кастрычніка, ва успамін благаслаўлёнага італьянскага падлетка Карло Акуціса — «апостала інтэрнэту», — распачне сваю дзейнасць моладзевы клуб it-энтузіястаў «Саrlo Club».
Клуб створаны з мэтай даць моладзі асноўныя веды на прасторы інфармацыйных тэхналогій, якія ў будучыні яны змогуць выкарыстоўваць на карысць Касцела і для дабра людей.
Арганізатарамі ініцыятывы сталі сужонкі Аліна і Максім Угорычы.
Было прынята рашэнне распачаць навучанне з асноў Android-праграмавання. Праводзіць курс будзе Максім Угорыч, праграміст з 15-гадовым вопытам працы.
Таксама для ўдзельнікаў клуба будзе арганізаваны шэраг сустрэч з хрысціянамі, якія з энтузіязмам выкарыстоўваюць свае прафесійныя таленты ў справах евангелізацыі.
Для ўдзелу ў сустрэчах клубу і навучання запрашаюць хлопцаў і дзяўчат 14–17 гадоў з дапытлівым розумам і шчырай верай.
Удзел у занятках бясплатны. Патрэбна толькі мець ноўтбук, жаданне вучыцца і гатоўнасць выкарыстоўваць атрыманыя веды на хвалу Бога.
Сустрэчы «Саrlo Club» будуць праходзіць у Цэнтры сям’і, які знаходзіцца каля касцёла Маці Божай Будслаўскай па адрасе:
г. Мінск, вул. Івянецкая, 15.
![](/3/images/news/2023/10/2023-10-08-kmbb_0002.jpg)
Колькасць удзельнікаў абмежаваная. Плануецца, што заняткі распачнуцца з 14 кастрычніка.
Запісацца ў «Саrlo Club» можна да 12 кастрычніка па тэлефоне:
+375 (44) 719 82 43 альбо праз інстаграм carlo_club.
![](/3/images/news/2023/10/2023-10-08-carlo-final3.jpg)
Карло Акуціс з’яўляецца благаслаўлёным Каталіцкага Касцёла. Беатыфікацыя 15-гадовага хлопца адбылася 10 кастрычніка 2020 года ў Асізі.
Карло захапляўся інфарматыкай і шырока сведчыў аб любові да Эўхарыстыі ў інтэрнэце.
Ён стварыў міжнародную анлайн-выставу, прысвечаную, эўхарыстычным цудам, прызнаным Касцёлам. Папа Францішак назваў яго апосталам Эўхарыстыі і нябесным апекуном евангелізацыі ў інтэрнэце.