![](/3/images/news/2023/08/2022-08-05-braslau_piligrymka_17.jpg)
Трохдзённая пешая пілігрымка Глыбокае – Браслаў пройдзе з 16 па 18 жніўня, а 19 жніўня будзе арганізавана аўтобусная пілігрымка на ўрачыстастасць Маці Божай Браслаўскай, Валадаркі азёраў.
Як паведамляецца на сайце глыбоцкай парафіі Strinitas.com, пешая пілігрымка распачнецца 16 жніўня святой Імшой а 7-й гадзіне раніцы. Кіраўнік пілігрымкі — ксёндз пробашч Мікалай Ціхановіч.
За тры дні пілігрымы пераадолеюць каля 90 кіламетраў і возьмуць удзел ва ўрачыстасцях Маці Божай Валадаркі Азёраў, якія сёлета пройдуць у Браславе 18–19 жніўня пад дэвізам «Марыя Ахоўніца згоды і супакою».
Маршрут:
- 1 дзень: Глыбокае – Пятроўшчына (абед) – Шаркаўшчына (начлег у парафіянаў);
- 2 дзень: Шаркаўшчына – Барадзенічы (начлег у касцёле і намётах);
- 3 дзень: Барадзенічы – Ахрэмаўцы (абед) – Браслаў (начлег у школе).
Для лепшай арганізацыі пілігрымкі арганізатары просяць ахвотных як мага хутчэй прайсці рэгістрацыю. Зрабіць гэта можна анлайн, запоўніўшы гугл-форму ТУТ>>, альбо непасрэдна ў касцёле ў Глыбокім.
Рэгістрацыя да 12 жніўня.
Непаўналетнія пілігрымы павінны мець суправаджаючых і дазвол ад бацькоў. Падрабязная арганізацыйная інфармацыя ТУТ>>>
Арганізацыйная сустрэча для пілігрымаў адбудзецца ў касцёле ў панядзелак 14 жніўня пасля Імшы ўвечары. Для вяртання пілігрымаў будзе арганізаваны аўтобус.
На цэнтральную ўрачыстасць 19 жніўня з Глыбокага ў Браслаў скіруецца таксама аўтобусная пілігрымка.
Выезд ад касцёла ў 7.00.