У Ракаве з удзелам біскупаў адбудуцца цэлебрацыі за спачылага ксяндза Дзмітрыя Барылу ў 30-ы дзень пасля адыходу ў вечнасць

24.03.2023 12:05 Catholic.by

Фота Віктара Ведзеня

У сераду 29 сакавіка ў касцёле Маці Божай Ружанцовай і святога Дамініка ў Ракаве (Мінска-Магілёўская архідыяцэзія, Валожынскі дэканат) адбудуцца цэлебрацыі за памерлага ксяндза каноніка Дзмітрыя Барылу ў 30-ы дзень пасля яго адыходу ў вечнасць.

Пробашч парафіі Маці Божай Ружанцовай і святога Дамініка ў мястэчку Ракаў і дэкан Валожынскага дэканату ксёндз канонік Дзмітрый Барыла адышоў у вечнасць 28 лютага на 49-м годзе жыцця і 24-м годзе святарскага служэння. Развітанне са спачылам святаром і пахаванне адбылося 1–2 сакавіка ў Ракаве.

У 30-ы дзень пасля яго адыходу ў вечнасць у ракаўскай парафіі з удзелам біскупаў памоляцца за спачылага шматгадовага душпастыра.

12.00 — цэлебрацыю святой Імшы ўзначаліць Генеральны вікарый Мінска-Магілёўскай архідыяцэзіі біскуп Юрый Касабуцкі;
18.00 — цэлебрацыю святой Імшы ўзначаліць Мітрапаліт Мінска-Магілёўскі арцыбіскуп Юзаф Станеўскі.

У цэлебрацыях возьмуць удзел святары.

Абноўлена 24.03.2023 12:09

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.