Фота: Рlanetabelarus.by
18 і 19 сакавіка пры дыяцэзіяльным санктуарыі Маці Божай Шкаплернай у Гудагаі (Гродзенская дыяцэзія, Астравецкі дэканат) пройдуць адмыслова арганізаваныя рэкалекцыі на тэму «Любоў і выхаванне».
Арганізатары запрашаюць узяць у іх удзел усіх, хто зацікаўлены тэмай выхаванння.
Падчас духоўных практыкаванняў удзельнікі паразважаюць над тым, як вучыцца выхоўваць мудра і з любоўю дзяцей і моладзь.
Тэмы будуць звязаныя з тэарэтычнымі, але перш за ўсё з практычнымі аспектамі выхавання. Абавязковая частка рэкалекцый у Гудагаі — майстар-клас і праца ў групах з дасведчаным практыкуючым псіхолагам Веранікай Рогач, жонкай і мамай, а таксама з выхавацелямі.
Будзе час на асабістую і супольную малітву, а таксама дзяленне вопытам.
- Месца правядзення: мястэчка Гудагай, санктуарый Маці Божай Шкаплернай.
- Начлег: кляштар айцоў кармэлітаў босых у мястэчку Гудагай.
- Кошт удзелу з пражываннем: 40 руб. (начлег з суботы на нядзелю+пасілкі).
- Даезд з Мінска:
- электрацягніком Мінск – станцыя Гудагай (са станцыі арганізатары пастараюцца наладзіць даезд машынай або трэба будзе ехаць на таксі);
- маршруткай Мінск – Астравец (праз Ашмяны), папрасіць затрымацца на прыпынку на трасе каля мястэчка Гудагай.
- Запіс:
- +375 (44) 539 97 83 – Яўгенія (Viber, Whatsup)
- Instagram: @eugeniaratkevich
