1 і 2 сакавіка ў парафіі Маці Божай Ружанцовай і святога Дамініка ў мястэчку Ракаў праходзіць развітанне са спачылым ксяндзом канонікам Дзмітрыем Барылам. Шматгадовы пробашч ракаўскай парафіі і дэкан Валожынскага дэканата, адышоў у вечнасць 28 лютага на 49-м годзе жыцця і 24-м годзе святарскага служэння.
Праграма развітання і пахавання
- 1 сакавіка, серада
- 10.00 – унясенне цела спачылага ксяндза Дзмітрыя Барылы ў касцёл у Ракаве
- святая Імша з удзелам святароў (цэлебрацыю ўзначальвае біскуп Юрый Касабуцкі)
- 12.00 – Анёл Панскі (вернікі)
- Ружанец (вернікі)
- 15.00 – Вяночак да Божай Міласэрнасці
- святая Імша з удзелам канонікаў Мінскага катэдральнага капітулу і іншых святароў (цэлебрацыю ўзначальвае дэкан капітулу ксёндз канонік Антоній Клімантовіч)
- 17.00 – Нешпары за памерлага (узначальвае ксёндз Андрэй Бурак)
- 18.00 – Крыжовы шлях (вернікі)
- 19.00 – Ружанец (вернікі)
- 20.00 – святая Імша з удзелам святароў (цэлебрацыю ўзначальвае біскуп Аляксандр Яшэўскі SDB)
- малітоўнае чуванне на працягу ночы
- 2 сакавіка, чацвер
- 9.00 – святая Імша з удзелам святароў (цэлебрацыю ўзначальвае біскуп Алег Буткевіч)
- малітоўнае чуванне
- 12.00 – святая Імша з Ютраню за памерлага з удзелам святароў (цэлебрацыю ўзначальвае арцыбіскуп Юзаф Станеўскі)
- абрады апошняга даручэння і пахавання
