Моладзь Мінска-Магілёўскай архідыяцэзіі працягвае збірацца на сустрэчы ў межах падрыхтоўкі да Сусветных дзён моладзі, якія сёлета пройдуць у Лісабоне. Далучацца да іх шчыра запрашаюць усіх ахвотных юнакоў і дзяўчат.
Удзельнікі даведаюцца пра святых заступнікаў СДМ і арганізацыю дзён моладзі, якія пройдуць у жніўні 2023 года ў сталіцы Партугаліі пад дэвізам «Марыя ўстала і пайшла паспешна» (пар. Лк 1, 39).
Мінулая сустрэча адбылася ў мінскім катэдральным касцёле. Падчас яе моладзь пазнаёмілася з новымі сябрамі, а таксама даведалася цікавыя факты пра СДМ і разам з заснавальнікамі інтэрнэт-рэсурса Іmsha.by разважала над жыццём благаслаўлёнага італьянскага падлетка Карло Акуціса і служэннем у сучасным свеце.
Гэтым разам агульная сустрэча моладзі пройдзе ў чацвер 12 студзеня пры парафіі святога Яна Хрысціцеля ў Серабранцы.
Узяць у ёй удзел запрашаюць працоўную і студэнцкую моладзь ад 16 гадоў.
- Сустрэча распачнецца святой Імшой у 19.00.
- Месца правядзення:г. Мінск, вул. Пляханава 28 А (м-н Серабранка).
- Дадатковая інфармацыя па тэлефоне: +375 (29) 357 15 86 — ксёндз Андрэй Бурак, адказны за душпастырства моладзі Мінска-Магілёўскай архідыяцэзіі
