Чарговы нумар газеты Гродзенскай дыяцэзіі «Слова жыцця» (№ 17 (615) 2023) знаёміць чытачоў з малымі сакральнымі аб’ектамі, сястрой кармэліткай, якая ўпрыгожвае кветкамі катэдру ў Гродне, і зборам абразоў адзінаццаці благаслаўлёных назарэтанак, мучаніц з Навагрудка.
Не проста культавыя помнікі — частка нашай гісторыі. Сёлетняя восень багатая для Гродзенскай дыяцэзіі на благаслаўленне малых аб’ектаў архітэктурнай рэлігійнай спадчыны, якім і прысвечаны матэрыял.
Знаёмімся бліжэй з сястрой кармэліткай. У артыкуле апавядаецца пра манахіню, якая робіць незвычайныя дэкарацыі і кветкавыя кампазіцыі ў гродзенскай катэдральнай базіліцы святога Францішка Ксавэрыя.
Паспрыялі рэнесансу веры. Матэрыял прысвечаны збору абразоў адзінаццаці бласлаўлёных сясцёр назарэтанак, мучаніц з Навагрудка, якія аддалі сваё жыццё падчас Другой сусветнай вайны.
Набыць газету можна пачынаючы з 1 кастрычніка ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
