У нядзелю 21 красавіка ў вёсцы Урцішкі, што пад Іўем (Гродзенская дыяцэзія), адбылося благслаўленне адноўленага прыдарожнага крыжа.
Крыж быў адноўлены намаганнямі мясцовых вернікаў. Новы крыж выраблены з металу, вакол яго ўсталявана агароджа з надпісам Ad maiorem Dei gloriam, што ў перакладзе з лаціны азначае: «Дзеля большай хвалы Божай». Яе дапаўняюць выявы кветак і птушак.
Благаслаўленне прыдарожнага крыжа здзейсніў дырэктар дабрачыннага каталіцкага таварыства Caritas-Беларусь ксёндз канонік Андрэй Аніскевіч.
У набажэнстве ўзялі ўдзел жыхары вёскі, а таксама іх дзеці і ўнукі.
Вёска Урцішкі мае багатую гісторыю і здаўна з’яўляецца месцам культу Маці Божай. З 1926 года ў населеным пункце ёсць капліца ў гонар Маці Божай Вастрабрамскай.
