29 студзеня ў Цэнтры культуры і вольнага часу ў Іўі (Гродзенская дыяцэзія) пройдзе 20-ы фестываль калядных песень «Gloria in excelsis Deo».
Пачатак фестывалю ў 14.00.
Дваццаць гадоў запар парафія святых Апосталаў Пятра і Паўла ў Іўі ладзіць традыцыйны фестываль калядных спеваў.
Мерапрыемства штогод збірае удзельнікаў рознага ўзросту, якія выконваюць калядныя кампазіцыі. За час існавання фестывалю ў ім бралі ўдзел выканаўцы не толькі з Івейскага дэканату, але і з розных парафій Беларусі і замежжа.
У якасці ганаровых гасцей на фестывалі прысутнічалі каталіцкія іерархі Беларусі, Апостальскі нунцый у Беларусі арцыбіскуп Габар Пінтэр, прадстаўнікі дыпламатычнага корпусу і кіраўніцтва мясцовага райвыканкама.
Арганізатары шчыра запрашаюць усіх ахвотных у Іўе на 20-ы фестываль калядных песень.
