Фота Віктара Ведзеня
У нядзелю 11 верасня, перад святам Узвышэння святога Крыжа, на Мядзельскай Кальварыі пройдзе набажэнства Крыжовага шляху, якое ўзначаліць Мітрапаліт Мінска-Магілёўскай арцыбіскуп Юзаф Станеўскі.
Праграма ўрачыстасці
- 11.00 — выхад працэсіі ад касцёла Маці Божай Шкаплернай у Старым Мядзелі (вул. Міра, 6/1)
- 11.45 — прывітанне перад брамай Кальварыі арцыбіскупа Юзафа Станеўскага; набажэнства Крыжовага шляху на самай старадаўняй Кальварыі ў Беларусі;
- пасля заканчэння набажэнства — святая Імшы на Гары Крыжоў з удзяленнем сакрамэнту канфірмацыі групе моладзі мядзельскай парафіі.
Айцы кармэліты босыя, якія апякуюцца парафіяй Маці Божай Шкаплернай і Кальварыяй у Мядзелі, ад імя мясцовых вернікаў шчыра запрашаюць усіх ахвотных на супольную малітву з арцыпастырам.
