У суботу 12 чэрвеня адзначаецца літургічны ўспамін благаслаўлёнай Мар’яны Бярнацкай, якая была забіта падчас Другой сусветнай вайны разам з іншымі жыхарамі Гродна і Ліпска на Фартах у Навумавічах, што непадалёк ад Гродна.
У гэты дзень на месцы яе смяротнага пакарання, Форце №2, пройдзе адпустовая святая Імша нядаўна заснаванай гродзенскай парафіі, якая абрала сваёй апякункай благаслаўлёную Мар’яну.
Цэлебрацыю ўзначаліць біскуп Гродзенскі Аляксандр Кашкевіч.
Пачатак у 12.00.
Вернікі парафіі благаслаўлёнай Мар’яны Бярнацкай у Гродне на чале са сваім пробашчам ксяндзом Юрыем Марціновічам запрашаюць усіх ахвотных да ўдзелу ў супольнай малітве разам з пастырам Касцёла на Гродзеншчыне.
