Дабрачыннае каталіцкае таварыства Caritas Віцебскай дыяцэзіі і Таварыства польскай школы ў Віцебску абвяшчаюць конкурс малюнкаў «Святы Ян Павел ІІ — Слуга Міласэрнасці».
Хто можа ўзяць удзел?
Дзеці з усіх парафій Віцебскай дыяцэзіі ва ўзросце ад 5 да 11 гадоў.
Што трэба зрабіць?
Выканаць малюнак у фармаце A4 у любой тэхніцы (акрамя рэльефных прац, напрыклад, з пластыліну) на тэму «Святы Ян Павел ІІ — Слуга Міласэрнасці».
Колькі малюнкаў можна выканаць?
Кожны ўдзельнік можа падаць на конкурс адзін малюнак.
Як і куды перадаць малюнак?
Працы з адной парафіі трэба сабраць разам і перадаць у офіс ДКТ Caritas Віцебскай дыяцэзіі асабіста або выслаць па пошце на адрас: вул. Чкалава 52 к. 1, п/с 6, Віцебск 210041
Калі трэба перадаць малюнак?
Малюнкі прымаюцца да 29 сакавікa 2020 года ўключна.
Як трэба падпісаць малюнак?
Небходна ўказаць імя, прозвішча, дату нараджэння дзіцяці, мясцовасць, кантактны тэлефон бацькоў / катэхета.
Калі будуць абвешчаныя вынікі конкурсу?
У маі 2020 года.
Што атрымаюць пераможцы?
Узнагароды і магчымасць падарожжа ў Польшчу на экскурсію «Па слядах святога Яна Паўла ІІ».
