Фота Аляксандры Шчыглінскай
У ноч з 14 на 15 снежня ў мінскім катэдральным касцёле Найсвяцейшага Імя Марыі пройдзе Адвэнтавае чуванне моладзі. Яно будзе прысвечана тэме «Быць, як Марыя і Юзаф, з’яднанымі ў Хрысце».
Абраўшы гэтую тэму, маладыя людзі выказалі імкненне браць прыклад са Святой Сям’і і далі адказ на заклік сёлетняга пастырскага года ў Касцёле на Беларусі, які праходзіць пад дэвізам «Сям’я — крыніца радасці і надзеі моладзі» і завершыцца ў свята Святой Сям’і.
Праграма чування
- 21.30 — рэгістрацыя
- 22.00 — падрыхтоўка да святой Імшы
- 22.30 — святая Імша
- 0.00 — дзяленне аплаткай
- 0.20 — сцэнка
- 1.00 — Ружанец
- 2.00 — тэматычная канферэнцыя
- 3.00 — Вяночак да Божай Міласэрнасці
- 3.30 — перапынак на каву
- 4.30 — адарацыя
- 6.00 — благаслаўленне
Падчас чування, у якім возьме ўдзел Мітрапаліт Мінска-Магілёўскі арцыбіскуп Тадэвуш Кандрусевіч, кожны ўдзельнік зможа падзяліцца з пастырам аплаткай і абмяняцца святочнымі каляднымі пажаданнямі.
