Кадр з фільма братоў Дардэн «Дзіця».
Новы сезон у хрысціянскім кінаклубе «Рэха», які дзейнічае пры парафіі Узвышэння Святога Крыжа ў Мінску, распачнецца паказам кінастужкі «Дзіця», якая была знята ў 2005 годзе бельгійскім рэжысёрскім дуэтам братоў Дардэн.
Гэты фільм атрымаў Залатую пальмавую галіну — вышэйшую ўзнагароду на міжнародным кінафестывалі ў Канах, а таксама шэраг іншых узнагарод у розных краінах.
Фільм дазваляе ўбачыць, як у людзях адбываецца перамена, як «прачынаецца» тое добрае, што закладзена Богам у сэрцы кожнага чалавека.
Разам паглядзець і паразважаць над гэтай стужкай аб любові, станаўленні чалавека, адказнасці і надзеі можна 13 кастрычніка ў касцёле Узвышэння Святога Крыжа па адрасе:
Кальварыйскі праезд, 1.
Пачатак у 19.00.
Уваход вольны.
