З 22 па 26 ліпеня пры францішканскім кляштары ў Івянцы (Мінская вобл., Валожынскі р-н) пройдзе 17-я «Музычная майстэрня»: найбуйнейшыя ў Беларусі майстар-класы для хрысціянскіх музыкантаў і спевакоў.
Сёлетняй «Майстэрняй» традыцыйна кіруюць Ян Паспяшальскі, Зося Баркоўская і Хуберт Кавальскі.
«Музычная майстэрня» — гэта не сход аматараў музыкі і не спевы каля вогнішча, а перадусім інтэнсіўная і захапляльная праца.
У сувязі з гэтым запрашаюцца тыя, хто сапраўды зацікаўлены ў якасным праслаўленні Бога спевам і ў развіцці сваіх музычных талентаў. Досвед супольнага спеву ў хоры ці іншых групах вітаецца.
Умовы ўдзелу:
- з сабой неабходна мець спальнік і турыстычны дыванок, па магчымасці — уласны намёт;
- кошт удзелу — 20 руб. (пакет удзельніка + трохразовае харчаванне);
- для ўдзельнікаў прадугледжана гарачае харчаванне на працягу дня і цёплая вада;
- лекцыі будуць перакладацца на беларускую мову;
- просьба мець з сабой спеўнікі, нататнікі і музычныя інструменты;
- прыбыццё і рэгістрацыя — 22 ліпеня з 13.00
Электронная рэгістрацыя ТУТ>>>
Сачыць за «Музычнай майстэрняй» у інтэрнэце можна:
- на сайце muzmajsternia.by
- у Інстаграме: @muzmajsternia
