Папа прызначыў каля 1 млн. еўра на дапамогу бедным |
Святы Айцец |
23.07.2015 15:20 |
Каля 1 млн. еўра – ахвяраванні, сабраныя падчас нядаўняга выстаўлення Турынскай плашчаніцы, – будуць прызначаны на дапамогу бедным і мігрантрам. Такое рашэнне прыняў Папа Францішак, даведаўшыся аб вялікай колькасці ахвяраванняў, складзеных пілігрымамі, якія прыбылі ўшанаваць адну з самых знакамітых хрысціянскіх рэліквій. Сабраныя грошы будуць перададзены патрабуючым праз каталіцкія дабрачынныя арганізацыі “Caritas” і “Migrantes”, а таксама іншыя касцёльныя таварыствы, якія дзейнічаюць на тэрыторыі Турынскай архідыяцэзіі і дапамагаюць бедным і мігрантам. (AG) |