26 ліпеня 2012 г. Cвяты Айцец Бэнэдыкт XVI прызначыў індыйскага святара і спецыяліста ў кананічным праве кс. прэлата Пола Пэлэта новым кіраўніком аддзела па пытаннях прызнання несапраўднасці і недапоўненасці сужэнстваў і прычынаў несапраўднасці пасвячэнняў пры Трыбунале Рымскай Роты — вышэйшай апеляцыйнай судовай установай Каталіцкага Касцёла.

Як паведамляе Ватыканскае радыё, святар нарадзіўся ў 1959 г. у Індыі, у дыяцэзіі Керала. Святарскае пасвячэнне атрымаў у 1987 г. Тэалогію і кананічнае права спачатку вывучаў у Індыі, а затым у Папскім усходнім інстытуце ў Рыме. У Трыбунале Рымскай Роты працуе з 1 кастрычніка 2011 г.