Фота Аўдыё Відэа  
be  ru  pl  en  de info@catholic.by
Паведамленне з 61-га пленарнага пасяджэння Канферэнцыі Каталіцкіх Біскупаў у Беларусі

4 лютага 2016 г. у Душпастырскім цэнтры ККББ у Мінску адбылося 61-е пленарнае пасяджэнне Канферэнцыі Каталіцкіх Біскупаў у Беларусі, на якім прысутнічалі іерархі і Апостальскі візітатар для грэка-католікаў Беларусі архімандрыт Сяргей Гаек. У пасяджэнні таксама прыняў удзел Часовы павераны ў справах Апостальскай Нунцыятуры ў Беларусі мансеньёр Марынко Антолавіч.

Падчас пасяджэння былі абмеркаваны наступныя пытанні:

  • Біскупы абмяняліся досведам святкавання Надзвычайнага Юбілейнага Года Божай Міласэрнасці і звярнулі ўвагу адказных за лепшую падрыхтоўку мерапрыемстваў;
  • У агульнабеларускую праграму святкавання Юбілею біскупы ўключылі нацыянальную пілігрымку ў Вострую Браму. Святая Імша з гэтай нагоды запланавана на 19 лістапада 2016 г. у 15.00 (гадзіна Божай Міласэрнасці).
  • Біскупы абмеркавалі працу Камісіі па справах фармацыі семінарыстаў і святароў пры ККББ і падрыхтаваныя ёй правілы прапедэўтычнага года.
  • Сабраныя вызначыліся са складам камісій і радаў пры ККББ.
  • Удзельнікі пасяджэння прынялі рашэнне аб арганізацыі пастырства несакрамэнтальных сужэнстваў. Падрыхтоўка даручана кс. д-ру Уладзіміру Гуляю, Біскупскаму вікарыю Лідскага рэгіёна Гродзенскай дыяцэзіі.
  • Сабраныя разгледзелі сітуацыю з харызматычнымі рухамі ў Беларусі і вырашылі дастасаваць іх дзейнасць да патрабаванняў Кананічнага Права.
  • З вялікай заклапочанасцю біскупы паставіліся да апошніх выказванняў Упаўнаважанага па справах рэлігій і нацыянальнасцяў Леаніда Гулякі і прынялі адпаведную заяву.
  • Біскупы разгледзелі сітуацыю каталіцкіх медыя і абмеркавалі шляхі іх удасканалення.
  • Сабраныя абмеркавалі ўдзел маладых людзей з Беларусі ў сустрэчы з Папам Францішкам на Сусветных днях моладзі ў Кракаве.
  • Удзельнікі пасяджэння абмеркавалі прапанову біскупа Караганды Адэліо Дэль’Ора аб магчымасці атрымаць рэліквіі кс. Уладзіслава Букавінскага, які ў хуткім часе будзе беатыфікаваны.


Наступнае пасяджэнне ККББ адбудзецца 24 мая 2016 г. у Гродне.

Адноўлена 05.02.2016 15:55
 

Пры выкарыстанні матэрыялаў сайта спасылка на Catholic.By абавязкова.

Дакументы Канферэнцыі Каталіцкіх Біскупаў Беларусі

12.10 17:58Паведамленне з 63-га пленарнага пасяджэння Канферэнцыі Каталіцкіх Біскупаў у Беларусі
05.07 18:11Паведамленне Старшыні ККББ наконт правядзення Брацтвам св. Пія Х рэкалекцый па метадзе св. Ігнацыя Лаёлы
24.05 15:07Зварот Каталіцкіх Біскупаў Беларусі аб правядзенні Дня перапрашэння (+Набажэнства перапрашэння)
04.02 22:01Паведамленне з 61-га пленарнага пасяджэння Канферэнцыі Каталіцкіх Біскупаў у Беларусі
30.11 14:26Паведамленне ККББ аб правядзенні Дня малітвы за тых, хто дапамагае Касцёлу на Усходзе
21.11 15:49Паведамленне Старшынi Канферэнцыi Каталiцкiх Бiскупаў у Беларусi аб Імшы развітання з арцыбіскупам Клаўдыё Гуджэроцці
28.10 16:38Паведамленне з 60-га пленарнага пасяджэння Канферэнцыі Каталіцкіх Біскупаў у Беларусі
03.06 17:02Паведамленне з 59-га пленарнага пасяджэння Канферэнцыі Каталіцкіх Біскупаў у Беларусі
05.12 18:34Паведамленне з 58-га пленарнага пасяджэння Канферэнцыі Каталіцкіх Біскупаў у Беларусі
17.06 16:03Паведамленне з 57-га пленарнага пасяджэння Канферэнцыі Каталіцкіх Біскупаў у Беларусі