Хрысціяне ў Нігерыі сталі ахвярамі сапраўднага генацыду — больш за 6 тысяч вернікаў загінулі ў краіне з пачатку года ад рук ісламісцкіх радыкалаў. Пра гэта ў прэс-рэлізе паведамілі кіраўнікі мясцовых Цэркваў Нігерыі.
Яны заклікалі міжнародную супольнасць, у тым ліку Арганізацыю Аб’яднаных Нацый, дапамагчы ўраду Нігерыі абараніць хрысціян ад нападаў плямёнаў Фулані (ці Фульбе), якія вызнаюць іслам.
Гэта не канфлікт паміж двума плямёнамі, адзначаецца ў прэс-рэлізе. Хрысціяне любых плямёнаў станавіліся ахвярамі забойцаў. Пры гэтым урад Нігерыі не можа ці не хоча эфектыўна супрацьстаяць ісламістам.
Пры гэтым хрысціян, якія самастойна бароняць свае супольнасці, урад карае, а ісламістаў — не.
«Калі ласка, не зрабіце тую ж памылку, што была зробленая ў Руандзе», — заявіў каталіцкі біскуп дыяцэза Гбока Уільям Авенья.
