Днямі на афіцыйным youtube-канале Сусветных дзён моладзі ў Панаме была апублікавана міжнародная версія гімна СДМ.
Аўтар афіцыйнага гімна «Няхай мне станецца паводле Твайго слова» — жыхар Панамы Абдыэль Хімэнэс, катэхет і кантар у парафіі Хрыста Уваскрослага ў Сан-Мігэліта.
Ён таксама з’яўляецца аўтарам шматлікіх рэлігійных і эўхарыстычных песень, удзельнікам хору і выпускніком факультэта рэлігійных навук Каталіцкага ўніверсітэта Санта Марыя ля Анцігуа ў Панаме.
Сусветныя дні моладзі ў Панаме пройдуць 22–27 студзеня 2019 г. пад дэвізам «Вось я, слуга Панская, няхай мне станецца паводле Твайго слова» (Лк 1, 38).
Папярэднічаць ім будуць Дні ў дыяцэзіях, якія пройдуць з 17 па 21 студзеня 2019 г. у Панаме, Коста-Рыка і Нікарагуа.
