Абласны ўрад Мюнхена пастанавіў, што з 1 чэрвеня 2018 года ўсе дзяржаўныя ўстановы Баварыі (паўднёва-ўсходняя частка Германіі) павінны будуць павесіць у сваіх будынках крыжы.
Як дадае канцылярыя Баварыі, у будучыні ў бачных месцах пры ўваходзе ў органы кіравання зямлі Баварыі павінны вісець крыжы як «бачны знак вызнання базавых каштоўнасцяў прававога і грамадскага парадку ў Баварыі і Германіі».
Рада Міністраў пастанавіла змяніць правілы агульнага ўставу органаў Баварыі. Абноўленыя правілы ўвойдуць у сілу з 1 чэрвеня ва ўсіх гарадскіх, раённых і абласных органах улады Баварыі.
«Крыж з’яўляецца фундаментальным сімвалам нашай баварскай свядомасці і спосабам жыцця», — адзначыў прэм’ер-міністр Баварыі Маркус Сёдэр (на фота) з партыі хрысціянскіх дэмакратаў, які дадаў, што выступае за такія элементарныя каштоўнасці, як любоў да бліжняга, людская годнасць і талерантнасць.
Пасля абвяшчэння рашэння палітык павесіў крыж на ўваходзе ў канцылярыю Баварыі.
