Вярхоўная рада Украіны ў першым чытанні прагаласавала за законапраект, які скасоўвае неабходнасць натарыяльнага пацвярджэння подпісаў на статутах рэлігійных арганізацый, пратаколах агульных сходаў і актаў (у выпадку іх аб’яднання ці пераўтварэння).
Гэтую ініцыятыву падтрымалі 237 народных абраннікаў з розных фракцый парламенту. Вярхоўная Рада таксама прагаласавала за падрыхтоўку гэтага законапраекта да другога чытання ў скарочанай працэдуры.
Прыняцце закона дазволіць скасаваць патрабаванне натарыяльнага пацвярджэння пратаколаў агульных збораў рэлігійных арганізацый, а таксама вызваліць іх ад адміністрацыўнага збору падчас дзяржаўнай рэгістрацыі ў Адзіным дзяржаўным рэестры.
Такім чынам рэлігійныя арганізацыі змогуць, гэтаксама як і грамадскія, і дабрачынныя арганізацыі, уносіць змены ў свае ўстаноўчыя дакументы без удзелу натарыусаў. Такі парадак існаваў і раней, пакуль у жніўні 2016 года не быў прыняты т.зв. антырэйдарскі закон, у якім рэлігійныя арганізацыі памылкова трапілі ў лік выключэнняў.
