Штат Місісіпі 8 сакавіка стаў лідарам у ЗША па ступені абароненасці дзяцей ва ўлонні маці — тут забаранілі аборты пасля 15-га тыдня цяжарнасці.
Такім чынам штат, унутраны валавы прадукт якога прыкладна роўны беларускаму, стаў самым прагрэсіўным у Злучаных Штатах у сферы абароны жыцця ненароджаных.
«За выключэннем выпадкаў медыцынскай неабходнасці ці цяжкай паталогіі дзіцяці, забаронена свядома выклікаць заўчасныя роды ці перарываць цяжарнасць, калі магчымы гестацыйны ўзрост плоду перавышае 15 тыдняў», — гаворыцца ў паведамленні.
Губернатар штата ад Рэспубліканскай партыі Філ Браянт пацвердзіў, што падпіша закон, які быў прыняты парламентам штата.
