Пошук


23.02.2018 09:34   rublev.com
Нікарцмінда — адзін з сабораў Грузінскай Праваславнай Царквы

Дзяржаўнае агенцтва па пытаннях рэлігіі Грузіі будзе адказным за размеркаванне кампенсацый для пацярпелых у савецкі час рэлігійных арганізацый краіны.

Толькі ў першыя гады савецкай улады, у 1922-23 гг., у Грузіі былі зачынены каля 1200 цэркваў і манастыроў, разрабаваны царкоўныя скарбніцы і спалены многія рукапісы.

Агенцтва прыняло рашэнне з выдзеленых 4,5 млн грузінскіх лары (1,8 млн долараў) на дадзеным этапе размеркаваць 3,5 млн лары (1,4 млн долараў) наступным чынам: грузінская ісламская абшчына — 2,2 млн лары (887 тысяч долараў); армянская апостальская хрысціянская абшчына Грузіі — 600 тысяч лары (242 тысячы долараў); рыма-каталіцкая абшчына Грузіі — 400 тысяч лары (160 тысяч долараў); іўдзейская абшчына Грузіі — 300 тысяч лары (120 тысяч долараў).

Астатнюю суму размяркуюць пазней.

Гергетская царква Святой Тройцы

Рашэнне аб размеркаванні выплат паміж рэлігійнымі абшчынамі прымалася шляхам кансультацый і з улікам вывучэння колькасці вернікаў, духоўных асобаў, культавых пабудоў і г.д.

На сёння 90,6 працэнта насельніцтва Грузіі вызнаюць хрысціянства, большасць з іх — вернікі Грузінскай Праваслаўнай Царквы, 4,9 працэнта — вернікі Армянскай Апостальскай Царквы, 2 працэнты — рыма-католікі.

Іслам з’яўляецца другой па велічыні і значэнні рэлігіяй у сучаснай Грузіі. У некаторых рэгіёнах краіны мусульмане складаюць адносную або абсалютную большасць насельніцтва.

Абноўлена 23.02.2018 12:26
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.