Каля 70 працэнтаў іспанцаў лічаць сябе католікамі, але такі ж працэнт вернікаў не ўдзельнічае ў святой Імшы. У краіне таксама назіраецца рост атэістаў.
Усё гэта вынікае з даных, які штогод публікуе Цэнтр сацыялагічных даследаванняў (ЦСД).
Новыя даныя сведчаць аб тым, што ў краіне змяншаецца лічба католікаў: 68,5 працэнта апытаных адзначаюць, што з’яўляюцца католікамі — гэта на 1,3 працэнта менш, чым год таму. Каля трох працэнтаў належыць да іншых рэлігій.
Пры гэтым каля 69 працэнтаў веруючых прызналася, што не ўдзельнічае ў святой Імшы і іншых рэлігійных абрадах. Рэгулярна ў нядзельнай літургіі прымаюць удзел каля 14 працэнтаў апытаных, а каля двух працэнтаў робіць гэта некалькі разоў на тыдзень.
Назіраецца ў Іспаніі і рост няверуючых і атэістаў. Паводле даных ЦСД, яны ўтвараюць каля 26,4 працэнтаў рэспандэнтаў, або на 1,2 працэнта больш, чым летась. Кожны чацвёрты называе сябе атэістам.
