Фото: //vaticannews.va
Парафія Маці Божай Афрыканскай у іспанскай Сеуце пацвердзіла, што навэнна адбудзецца згодна з раскладам нават ва ўмовах міграцыйнага крызысу.
У сувязі з прытокам мігрантаў з Марока, пра які стала вядома 30 ліпеня, улады аўтаномнага горада Сеуты ў Іспаніі, што знаходзіцца на ўзбярэжжы Афрыцы, прыпынілі ўсе забаўляльныя і кірмашовыя мерапрыемствы, запланаваныя напярэдадні свята нябеснай Апякункі горада ў перыяд з 1 па 8 жніўня. Але, як патлумачыла парафія Маці Божай Афрыканскай у сваіх афіцыйных крыніцах, рашэнне мясцовай улады не паўплывае на расклад набажэнстваў.
Набажэнствы праходзяць у звычайным рэжыме, і парафія заахвочвае ўсіх вернікаў да актыўнага ўдзелу ў малітоўных сустрэчах. Святары Сеуты асабліва заклікалі вернікаў захоўваць адзінства і ўзмацніць супольную малітву:
«Цяпер больш чым калі-небудзь важна разам святкаваць тое, што складае сутнасць нашай ідэнтычнасці».
Навэнна ў гонар Маці Божай Афрыканскай на працягу стагоддзяў з’яўляецца адной з галоўных рэлігійных падзей у Сеуце. Урачыстасці, якія штогод папярэднічаюць яе святу 5 жніўня, традыцыйна збіраюць вялікую колькасць вернікаў.
