Кіраўнік душпастырства спартсменаў пры Канферэнцыі Каталіцкіх Біскупаў у Польшчы біскуп Мар’ян Флорчык паедзе на XXIII Зімовыя Алімпійскія гульні ў Пхёнхчане.
Алімпіяда ў Паўднёвай Карэі стане для іерарха шостай. Першы раз ён суправаджаў каманду на Гульнях у Турыне ў 2006 годзе.
Цікава, што свой душпастыр будзе і ў спартсменаў у Аўстрыі.
Польскі іерарх прызнаўся, што яго ўклад у вынікі польскіх спартсменаў будзе «мізэрны або нават ніякі»:
«Мой уклад — больш такі чалавечы, духоўны. Спартсменаў, трэнераў і супрацоўнікаў я ахінаю малітвай. Канешне, мы шмат размаўляем. Чэрпаць надзею і падтрымку ў духоўнай рэальнасці вельмі важна для іх», — сказаў біскуп Флорчык.
Алімпіяда ў Пхёнхчане пройдзе з 9 па 25 лютага.
