Пошук

31.01.2018 13:20   Паводле: Міхал Плеўка – eKAI / Фота: Pixabay.com / Catholic.by
Фота носіць ілюстратыўны характар.
Фота носіць ілюстратыўны характар.

Ірландскі экзарцыст кс. Патрык Коллінз заявіў пра павелічэнне колькасці меркаваных «дзеянняў злога духа» ў яго краіне. У інтэрв’ю газеце «Айрыш пост» (The Irish Post) святар паведаміў, што ў апошні час патрэба ў ягоных паслугах «амаль зашкальвае».

У сваім адкрытым лісце, адрасаваным ірландскаму епіскапату, кс. Патрык звярнуўся да біскупаў з заклікам падрыхтаваць большую колькасць духоўных асобаў, якія будуць займацца экзарцызмам. Пад гэтай практыкай Касцёл разумее просьбу да Бога аб вызваленні чалавека з моцы зла. Прыклад такога дзеяння — выгнанне злых духаў Езусам.

Усё больш людзей верыць, «абгрунтавана ці не, што яны апантаныя злым духам», сказаў ірландскі экзарцыст.

Як паведамляецца ў газеце, зацверджанае Апостальскім Пасадам Міжнароднае аб’яднанне экзарцыстаў (IAE) ужо ў 2014 г. інфармавала пра значнае павелічэнне колькасці экзарцызмаў у свеце.

Абноўлена 31.01.2018 13:50
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.