Пакідаючы Перу, Папа Францішак скончыў сваё падарожжа ў Лацінскую Амерыку. У аэрапорце Лімы са Святым Айцом развітваліся перуанскія біскупы, а таксама прэзідэнт Пэдро Пабло Кучынскі з жонкай.
У Лацінскай Амерыцы на сёння пражывае 425 мільёнаў католікаў — каля 40 працэнтаў усіх членаў Каталіцкага Касцёла ў свеце.
Візіт у Чылі і Перу стаў 22-м па ліку замежным падарожжам у пантыфікаце Святога Айца і самым далёкім з усіх, што былі да гэтага.
Падчас прабывання ў Лацінскай Амерыцы папа Францішак пераадолеў 27 684 км. Пры гэтым амаль 23 тыс км занялі міжкантынентальныя пералёты ў два бакі.
Апошні раз гэтыя паўднёваамерыканскія краіны наведваў папа Ян Павел ІІ. Чылі — 1-6 мая 1987 года, Перу два разы: 1-5 лютага 1985 года, а таксама 14-16 мая 1988 года.
