У Музеі гісторыі рэлігіі Пецярбурга 14 снежня адкрываецца новы выставачны праект Ефіма Рэзвана «Мудрацы прыйшлі».
Як паведамляе прэс-служба музея, гэта адзін з першых вынікаў гісторыка-этнаграфічнай экспедыцыі, што праходзіла з 15 па 31 сакавіка 2017 года ў межах праекта «Матэрыяльны свет Карана (Штодзённае жыццё Аравіі часоў Прарока)», які рэалізавалі Музей антрапалогіі і этнаграфіі імя Пятра Вялікага «Кунсткамера» РАН, Лейдэнскі інстытут рацыянальнага монатэізму і часопіс Manuscripta Orientalia.
Жыхары Пецярбуга даведаюцца, што аб’ядноўвае шматгалосы арабскі кірмаш, напоўнены пахам незлічоных прыпраў, і свята Божага Нараджэння, адкуль на самой справе прыйшлі Мудрацы і што ў сапраўднасці яны прынеслі маленькаму Езусу.
Сярод экспанатаў праекта — карціна «Пакланенне валхвоў» Якаба Карнэліса ван Остзанена — узор нідэрландскага жывапісу пачатку XVI стагоддзя з характэрнымі прыкметамі мастацкай манеры майстроў паўночнага маньерызму.
Наведвальнікі выстаўкі таксама змогуць паглядзець ладан вясновага і асенняга збору, а таксама мірру, набытую на кірмашы ў Салале вясной 2017 года. Духмянасці змешчаны ў традыцыйныя кошыкі.
На выстаўцы таксама прадстаўлена батлейка, зробленая з сушанага гарбуза, пальмовай саломкі, дрэва і ракавіны кауры.
