Руская Праваслаўная Царква (РПЦ) палічыла неактуальнай прапанову Папы Рымскага скарэктаваць тэкст малітвы «Ойча наш». Пра гэта пішуць «Известия».
«Мы зыходзім з таго, што ў рускім, а дакладней у царкоўнаславянскім перакладзе ў нас склалася традыцыя ўспрыняцця, якая выключае рызыкі, пра якія кажа рымскі Пантыфік», — заявіў намеснік старшыні Сінадальнага аддзела па ўзаемаадносінах Царквы з грамадствам і СМІ Маскоўскага Патрыярхата Вахтанг Кіпшыдзэ.
«Таму для нас гэтае пытанне не з’яўляецца актуальным», — цытуе прадстаўніка РПЦ тэлеканал RT.
«Гэта не Бог уводзіць мяне ў спакусу, каб потым убачыць, як я ўпаў. Нябесны Айцец не робіць гэтага. Нябесны Айцец дапамагае неадкладна ўстаць. Гэта д’ябал уводзіць нас у спакусу, гэта яго дзеянні», — заявіў 6 снежня Пантыфік падчас сёмай праграмы з цыклу «Ойча наш», якая выйшла на тэлеканале італьянскага епіскапату TV2000.
