Кіраўнік руху «Жанчыны за жыццё» Наталля Масквіціна прывітала ідэю выплат за нараджэнне першага дзіцяці, якія пачнуцца ў Расіі са студзеня 2018 года.
«Выплаты за першынца могуць паўплываць на статыстыку абортаў», — заўважыла Наталля «Интерфаксу» 4 снежня.
Па інфармацыі кіраўніка пралайф-руху, кожныя тры секунды ў Расіі здзяйсняецца адзін аборт.
«Жанчыны, якія вырашаюць перарваць цяжарнасць, вельмі часта адштурхоўваюцца ад свайго фінансавага стану. Штомесячныя грашовыя выплаты могуць стаць сур’ёзнай апорай і паўплываць на рашэнне жанчыны не рабіць аборт», — сказала Наталля Масквіціна, каментуючы ініцыятыву Прэзідэнта Расіі.
Не менш важны, па яе меркаванні, і маральны аспект. «Дзяржава нагадвае нам: дзеці патрэбныя, і мы гатовы за іх змагацца. Жанчына ў крызіснай сітуацыі ўсяляк шукае падтрыкі збоку і часта не атрымлівае яе нават у коле ўласнай сям’і. Таму рэальная дапамога дзяржавы, мяркую, зможа знізіць колькасць абортаў», — пераканана грамадскі дзеяч.
Як паведамлялася раней, са студзеня будучага года ўстанаўліваюцца штомесячныя грашовыя выплаты за першае дзіця. Сума будзе складаць у сярэднім 10 523 рублі (151 еўра) у залежнасці ад рэгіёна Расіі. Прэтэндаваць на грашовую дапамогу змогуць сем’і з сярэднім даходам менш за пражытачны мінімум, усталяваны ў суб’екце пражывання. Грашовую дапамогу плануецца выплачваць па факце нараджэння першага дзіцяці і да дасягнення ім узросту паўтара года.
