Фота: shutterstock.com
Гарадскія ўлады Мадрыда не спыняюцца ў барацьбе з каляднымі традыцыямі. Ужо два гады запар новы бурмістр горада Мануэла Кармэнта выступае з задумкай ліквідацыі галоўнай стаенкі Мадрыда перад гістарычным Палацам Цыбелес, бо, паводле слоў бурмістра, «стаенка — гэта рэлігійны сімвал, які падзяляе, а не аб’ядноўвае».
Тым часам гандляры нагадалі, што стаенка прыцягвае тысячы турыстаў і мае рэальны ўплыў на даходы горада.
У гэтым годзе бурмістр забараніла ўсталёўваць стаенкі ва ўчастковых адміністрацыях горада, а за агляд стаенкі перад Палацам Цыбелес патрэбна будзе заплаціць 50 цэнтаў з чалавека.
