Святы Айцец завяршыў візіт у Бангладэш. Каля 17.30 па мясцовым часе самалёт з папам Францішкам накіраваўся ў Рым.
Перад гэтым у міжнародным аэрапорце горада Дака адбылася кароткая цырымонія развітання, у якой прыняў удзел прэм’ер-міністр краіны Шэйх Хасіна Вазед і некаторыя іншыя прадстаўнікі дзяржаўных і касцёльных уладаў.
Такім чынам завяршылася 21-е міжнароднае падарожжа папы Францішка. Яно працягвалася з 26 лістапада па 2 снежня 2017 г. За гэты дні Пантыфік наведаў М’янму і Бангладэш. Святы Айцец сустрэўся з кіраўніцтвам абедзвюх дзяржаў, мясцовым духавенствам, кансэкраванымі асобамі, семінарыстамі, моладдзю, хворымі, маліўся разам з каталіцкімі супольнасцямі, прысутнымі ў гэтых краінах.
«Дарагія сябры ў М’янме і Бангладэш, дзякую за вашу гасціннасць! Малюся аб Божых благаслаўленнях гармоніі і міру для вас», — напісаў Пантыфік у твітары.
