Паводле распараджэння Мітрапаліта Калаўрыцкага Амброзія святары мітраполіі будуць на працягу тыдня біць у званы па тры хвіліны кожны дзень, пратэстуючы супраць закона, які легалізуе змену полу ў Грэцыі.
Грэчаскія святары, як паведамляе apnews.com, таксама заклікаюць да адмены «антыхрысціянскага і антыгрэчаскага» закона.
У заяве, якая асуджае гомасексуалізм як «смяротны грэх» і пратэстуе супраць «любых ненатуральных адхіленняў», таксама выказаны непакой адносна таго, што «наступным будзе закон, які легалізуе аднаполыя шлюбы».
«Мы ненавідзім грэх, але не грэшнікаў», — падкрэсліваецца ў заяве мітраполіі.
Таксама плануецца змясціць банеры з пратэстамі ў Эгіёне, адміністрацыйным цэнтры мітраполіі.
Паводле прынятага закона, грэкам дазваляецца з 15 гадоў пры жаданні змяняць пол па спрошчанай працэдуры праз суд.
