Арцыбіскуп Ліёнскі кардынал Філіп Барбарэн запрасіў разведзеных і тых, хто заключыў паўторны шлюб, прыняць удзел у адмысловай сустрэчы, арганізаванай для іх у ліёнскай катэдры 15 кастрычніка.
Як патлумачыў кардынал, мэта форуму — паказаць, што «перш за ўсё мы патрабуем кожнага з іх, на якім бы шляху яны ні знаходзіліся, таму што мы ўсе ўтвараем Касцёл».
Арцыбіскуп Ліёнскі падкрэсліў, што, паводле восьмай главы паслясінадальнай Апостальскай адгартацыі Amoris laetitia, неабходна сведчыць пра міласэрнасць Бога, мацнейшую за ўсе цяжкасці і падзелы.
Цытуючы папу Бэнэдыкта XVI, французскі іерарх падкрэслівае, што менавіта гэтыя людзі могуць быць носьбітамі навізны ў Касцёле. Звяртаючыся да разведзеных і людзей у паўторным сужэнстве, кардынал піша: «Дзякуючы перажытым цярпенням вам ёсць што сказаць, каб дапамагчы ўсім ісці наперад».
У сваім запрашэнні кардынал Барбарэн адзначае: «Калі ты лічыш, што цябе асуджаюць, не прымаюць або выключаюць з нашага Касцёла з прычыны твайго сямейнага становішча, я прашу ў цябе прабачэння, таму што такія адносіны не адлюстроўваюць сэрца служыцеля», якім «я хачу і павінен быць як біскуп».
