Пошук


19.09.2017 12:20   deon.pl

Амаль 500 фотаздымкаў, складаная камп’ютарная праграма, гадзіны працы... Навукоўцы лічаць, што менавіта так магла выглядаць Марыя Магдалена.

Як падае news.com.au, Філіп Чарлі з універсітэта ў Версалі, а таксама Філіп Фрош, камп’ютарны графік, выкарысталі 500 здымкаў чэрапа, які належаў, верагодна, Марыі Магдалене, і з дапамогай камп’ютарнай праграмы, якая робіць магчымай рэканструкцыю твараў, аднавілі выяву гэтай святой.

Падобны метад ужо шмат разоў выкарыстоўваўся ў свеце. Чэрап, які выкарыстоўвалі навукоўцы, паходзіць з французскай базылікі св. Максімільяна, дзе паводле легенды пахавана Марыя Магдалена.

Згодна з даследаваннямі, якія праводзіліся ў Х і ХІ стст., разам з Лазарам і Мартай з Бэтаніі яна павінна была прыйсці на Лазурны Бераг пасля Уваскрасення і Унебаўзяцця Езуса.

Як адзначаюць навукоўцы, жанчыне, якой належаў гэты чэрап, на момант смерці было каля 50 гадоў і яна паходзіла з тэрыторыі басейну Міжземнага мора.

Адначасова Філіп Чарлі адзначае, што няма ніякіх навуковых абгрунтаванняў таго, што парэшткі належаць менавіта Марыі Магдалене.

Абноўлена 19.09.2017 16:13
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа