19 верасня ў сталіцы Казахстана Астане распачалася братэрская сустрэча каталіцкіх біскупаў Еўразіі.
На ёй сабраліся разам іерархі Касцёла з Азербайджана, Беларусі, Казахстана, Кыргызстана, Манголіі, Расіі, Таджыкістана, Туркменістана і Узбекістана. Касцёл у нашай краіне на форуме прадстаўляюць Старшыня Канферэнцыі Каталіцкіх Біскупаў у Беларусі арцыбіскуп Юзаф Станеўскі, а таксама намеснік Старшыні ККББ біскуп Віцебскі Алег Буткевіч і Генеральны сакратар беларускага каталіцкага епіскапату біскуп Юрый Касабуцкі.
У склад беларускай дэлегацыі ўваходзиць таксама асабісты сакратар арцыбіскупа Станеўскага ксёндз канонік Юрый Ясевіч.
Фармат сустрэчы біскупаў у Астане менавіта братэрскі, а не афіцыйны.
У першы дзень сабраныя іеарархі разам цэлебравалі святую Імшу.
Яны таксама наведалі былы савецкі канцлагер пад назвай АЛЖИР — абрэвіятура ад рускай назвы Акмолинский лагерь жен изменников родины — які ўваходзіў у сістэму сталінскага ГУЛАГу. Там удзельники сустрэчы ўшанавалі памяць усіх нявінна рэпрэсаваных.
Адбылося таксама першае працоўнае пасяджэнне.
Пасля яго біскупы наведалі францішканскі кляштар у Астане — месца, дзе яшчэ ў часы СССР з’явіўся першы на гэтых землях каталіцкі касцёл.
