16 сакавіка супольнасць беларусаў-католікаў Кракава (Польшча) разам са сваім душпастырам ксяндзом Юрыем Рашатко арганізавалі пакутны выезд у Кальварыю Зэбжыдоўскую.
Гэты горад на поўдні Польшчы вядомы пасійна-марыйным санктуарыем айцоў бэрнардынаў, які з’яўляецца адзінай у свеце Кальварыяй у спісе ЮНЕСКА. У склад комплекса ўваходзіць базыліка, кляштар і Крыжовы шлях даўжынёй 5 км з 42-я каплічкамі.
Па дарозе да беларусаў далучылася група палякаў, і яны разам прайшлі Крыжовы шлях, разважаючы над Мукай Пана на дзвюх мовах.
Такі пакутны выезд дапамог вернікам больш плённа перажыць час Вялікага посту.
Святыя Імшы на беларускай мове адбваюцца ў Кракаве штонядзелю ў 15.30 у касцёле сввятога Стэфана (Sienkiewicza, 19). Перад Імшой ёсць магчымасць споведзі, пасля — тэматычная сустрэча.
