Сёлета ў Францыі сакрамэнт пасвячэння ў ступені прэзбітэрату прымуць 130 кандыдатаў, што крыху больш, чым у мінулым годзе.
Пра гэта са спасылкай на французскі епіскапат паведаміла 24 чэрвеня Каталіцкае інфармацыйнае агенцтва КАІ.
У Францыі пасвячэнне зазвычай адбываецца ў раёне 29 чэрвеня — урачыстасці святых апосталаў Пятра і Паўла, якія лічацца стаўпамі Касцёла.
Сёлета сакрамэнт пасвячэння ў ступені прэзбітэрату ў краіне прымуць 130 кандыдатаў, што на чатыры больш, чым у мінулым годзе.
Большасць пасвячэнняў ужо адбылася ў мінулыя выходныя, іншыя пройдуць у наступныя, а таксама ў верасні і кастрычніку.
Сярод сёлетніх новапрэзбітэраў 79 дыяцэзіяльных святароў, 41 належаць да розных супольнасцяў, напрыклад, такіх, як супольнасць святога Марціна ці супольнасць Эмануэль, 12 новых святароў з’явіцца ў манаскіх супольнасцях і яшчэ тры святары будуць служыць у надзвычайнай форме Рымскага абраду.
Па звестках Канферэнцыі біскупаў Францыі, у 2019 годзе у краіне прынялі пасвячэнне 126 новых святароў, 125 у 2018, 117 у 2017, каля 100 у 2016, 120 у 2015 і каля 140 у 2014 годзе.
